Տրինիտի կանյոն այգիներ

Վայոց ձորի համեմատաբար նորաստեղծ գինեգործարաններից է, հիմնադրվել է 2009 թվականին՝ գինու 3 սիրահարների կողմից, որոնցից մեկը հենց հայկական գինու պատմության մասին գիրք է հրապարակել։ Տրինիտին մեծ նշանակություն է տալիս օրգանական գինու արտադրությանը՝ կարևորելով ոչ թե քանակը, այլ որակը, չկիրառելով ժամանակակից մասսայական արտադրությանը բնորոշ տեխնոլոգիաներ։ Ընկերությունը պարբերաբար շարունակում է փորձեր կատարել տեղական և արտասահմանյան խաղողի սորտերով։ Առաջարկում է գինու և սննդի համտեսի ծառայությունների տարբեր փաթեթներ։ Տրինիտի կանյոն այգիներ ընկերությունն առաջարկում է նաև ավանդական պարերի և երաժշտության դասընթացների կազմակերպում, խաղողի այգիների և գինեգործության տուրեր։ Գներին ծանոթանալու և այց ամրագրելու համար խնդրում ենք դիմել ընկերությանը։ Բոլոր այցելությունների համար պարտադիր պետք է նախնական պայմանավորվածություն ձեռք բերել։

Մեր գինիները

JA2Z By Trinity Սպիտակ 2016 – Քրդի 70% | Նազելի 30 %13.5% Alc.

Բացի խաղողի երեք հիմնական տեսակներից, որոնք հիմք են հանդիսանում «6100» և «Է» շարքերի համար, մենք աշխատում ենք նաև այլ բնաշխարհիկ (էնդեմիկ) և միջազգային սորտերի հետ, անելով հետաքրքիր փորձեր և որոշ դեպքերում՝ անսպասելի բացահայտումներ: Հաջողված փորձերը հիմք են դառնում սահմանափակ քանակությամբ արտադրված գինու նոր տեսակների համար: Մենք աշխատում ենք չորս Ֆրանսիական սորտերի հետ՝ Սիրա, Կաբերնե Սովինյոն, Մերլո և Շարդոնե (բոլորն աճում են սեփական արմատներով մեր այգիներում), ինչպես նաև ավելի քան տասը հայկական սորտերի հետ՝ Քրդի ճակատ, Նազելի, Կարմիր Կոթենի, Գառան Դմակ և այլն: «JA2Z by Trinity» շարքի գինիները գրեթե չեն կրկնվում: Սա առավելապես փորձարարական, իմպրովիզացիոն շարք է, որի շնորհիվ մենք փորձում ենք բացահայտել Վայոց ձորի տերուարի ողջ պոտենցիալը:

JA2Z By Trinity Կարմիր 2016 –Արենի 50%| Կաբերնե Սովինյոն 45 % | Մերլո 5% 14% Alc.

Բացի խաղողի երեք հիմնական տեսակներից, որոնք հիմք են հանդիսանում «6100» և «Է» շարքերի համար, մենք աշխատում ենք նաև այլ բնաշխարհիկ (էնդեմիկ) և միջազգային սորտերի հետ, անելով հետաքրքիր փորձեր և որոշ դեպքերում՝ անսպասելի բացահայտումներ: Հաջողված փորձերը հիմք են դառնում սահմանափակ քանակությամբ արտադրված գինու նոր տեսակների համար: Մենք աշխատում ենք չորս Ֆրանսիական սորտերի հետ՝ Սիրա, Կաբերնե Սովինյոն, Մերլո և Շարդոնե (բոլորն աճում են սեփական արմատներով մեր այգիներում), ինչպես նաև ավելի քան տասը հայկական սորտերի հետ՝ Քրդի ճակատ, Նազելի, Կարմիր Կոթենի, Գառան Դմակ և այլն: «JA2Z by Trinity» շարքի գինիները գրեթե չեն կրկնվում: Սա առավելապես փորձարարական, իմպրովիզացիոն շարք է, որի շնորհիվ մենք փորձում ենք բացահայտել Վայոց ձՁորի տերուարի ողջ պոտենցիալը:

Արենի Նախնյաց Անապակ կարմիր գինի 2016

Այս գինին պատրաստված է 100 տարեկան, սեփական արմատով վազերի Արենի խաղողից: Խմորումն ու թրմեցումը կատարվել են կարասներում 5-6 ամիսների ընթացքում: Գինին ֆիլտրած չէ, խմորված է բնական եղանակով և չի պարունակում ավելացված սուլֆիտներ: Արենի խաղողի այս յուրահատուկ արտահայտումն իր մեջ է ներառում եթերայնությունն ու հողայնությունը: Նուրբ, բայց ուժեղ տանինները, վառ արտահայտված թթվայնությունը և երկար հետհամային զգացողությունը ստեղծում են բացառիկ ներդաշնակ և ամբողջական համ: Էլեգանտ մրգային բուկետը՝ հասած հատապտուղներին բնորոշ բույրով, միաձուլվում է կաշվի և կծու համեմունքների հետ: 20-րդ դարի սկզբին, Աղավնաձոր գյուղում, նման գինին ծառայելէ որպես ջրի փոխարինող /օրը մոտ 2 լիտր/: Համադրվում է կարմիր մսի, կծու ուտեստների և պանրի պինդ տեսակների հետ:

Տրինիտի 6100 Խաթուն Խարջի Անապակ սպիտակ գինի 2016

Բերքահավաքն իրականացվում է խաղողի ամբողջական հասունացման ժամանակ՝ սեպտեմբեր ամսին: Ողկույզները չանչազատվում և ճխլվում են՝ առանց հավելյալ թրման: Խմորումը ստաբիլ կատարվում է 13 oC պայմաններում: Խմորումից հետո գինին 2 շաբաթ հնացվում է խմորասնկի նստվածքի վրա: Լինելով Վայոց Ձորի հնագույն մշակվող խաղողների տեսակներից մեկը, Խաթուն Խարջին ցուցաբերում է փայլուն դիմադրություն հիվանդությունների և կայունություն եղանակի տատանումների նկատմամբ:Թթվաշ, թարմեցնող, ամբողջական մարմնով այս գինին արտահայտված է կիտրոնի, թարմ հնձած խոտի և տանձի բույրերով՝ համալրված տրոպիկական մրգերի նուրբ երանգներով:

Տրինիտի 6100 Վարդե Անապակ վարդագույն գինի 2016

Բերքահավաքն իրականացվում է խաղողի հասունացման ժամանակ՝ հոկտեմբեր ամսվա առաջին կեսին: Ողկույզները չանչազատվում և ճխլվում են՝ առանց հավելյալ թրման: Խմորումը կատարվում է ստաբիլ 13 oC պայմաններում: Խմորումից հետո գինին 2 շաբաթ հնացվում է խմորասնկի նստվածքի վրա: Թարմ վայրի հատապտուղների համը՝ պատված թեթև համեմունքներով, թարմացնող թթվայնությամբ և թավշյա ամբողջականությամբ, ստեղծում է հիանալի ներդաշնակություն և բացառիկ հետհամային զգացողություն: Այս գինին հաճելի է վայելել առանձին կամ համադրել ծովամթերքի, պանրի փափուկ տեսակների և հասարակ աղցանների հետ:

Տրինիտի 6100 Արենի Սև Անապակ կարմիր գինի 2016

Բերքահավաքն իրականացվում է խաղողի ամբողջական հասունացման ժամանակ՝ հոկտեմբեր ամսվա երկրորդ կեսին: Ողկույզները չանչազատվում և ճխլվում են: Կարճատև սառը թրմեցումից հետո գինենյութն սկսում է խմորվել չժանգոտվող պողպատյա տարաներում, որից հետո ենթարկվում է երկարաժամկետ թրմեցմանը: Այս գինին հնացվում է 6 ամիս Կովկասյան կաղնու տակառներում: Հատկանշական հասուն կարմիր մրգերի նրբագեղ փունջը համադրված է կարամելի և վանիլի բուրմունքներով: Բերանում գինին արտահայտվում է հասուն նուրբ տանիններով, թարմացնող թթվայնությամբ և երկար հետհամային ազդեցությամբ: Լավ է համադրվում կարմիր մսի, հատկապես գառան մսով ուտեստների հետ:

Տրինիտի 6100 Խաթուն Խարջի Անապակ սպիտակ գինի 2016

Բերքահավաքն իրականացվում է խաղողի ամբողջական հասունացման ժամանակ՝ սեպտեմբեր ամսին: Ողկույզները չանչազատվում և ճխլվում են՝ առանց հավելյալ թրման: Խմորումը ստաբիլ կատարվում է 13 oC պայմաններում: Խմորումից հետո գինին 2 շաբաթ հնացվում է խմորասնկի նստվածքի վրա: Լինելով Վայոց Ձորի հնագույն մշակվող խաղողների տեսակներից մեկը, Խաթուն Խարջին ցուցաբերում է փայլուն դիմադրություն հիվանդությունների և կայունություն եղանակի տատանումների նկատմամբ: Թթվաշ, թարմեցնող, ամբողջական մարմնով այս գինին արտահայտված է կիտրոնի, թարմ հնձած խոտի և տանձի բույրերով՝ համալրված տրոպիկական մրգերի նուրբ երանգներով:

Տրինիտի Է Արենի Սև Անապակ կարմիր գինի 2015

Մանրակրկիտ սելեկցիայից հետո, խաղողի ամենահասուն ժամանակահատվածում՝ նոյեմբեր ամսվա սկզբին, կատարվում է բերքահավաքը: Չանչազատումից և ճխլումից հետո խաղողահյութի 15 %-ը հեռացվում է բարձր մակարդակի կոնցենտրացիայի հասնելու համար: Կարճատև սառը մացերացիայից հետո, գինին անցնում է ալկոհոլային խմորման չժանգոտվող պողպատյա տարաների մեջ և ընդլայնված հետխմորային մացերացիայի: Գինին հնացվում է 14 ամիս կովկասյան կաղնու տակառներում: Այս գինին արտահայտում է Արենի խաղողի պերճախոսության շքեղությունը: Նուրբ, բայց ուժեղ տանինները, վառ արտահայտված թթվայնությունը և երկար հետհամային զգացողությունը ստեղծում են բացառիկ ներդաշնակ և ամբողջական համ: Էլեգանտ մրգային փունջը՝ հասած հատապտուղներին բնորոշ բույրով, միաձուլվում է թունդ շոկոլադի, կարամելի և վանիլի երանգների հետ: Համադրվում է կարմիր մսի, կծու ուտեստների և պանրի պինդ տեսակների հետ: