Վայոց ձորի պատմությունն ու մշակույթը երկու օրում

Օր 1․ Ուշ առավոտյան

Սկսեք Ձեր ճամփորդությունը Երևանից։ Ուղևորվեք Արենի գյուղի գինետներից մեկը, համտեսեք տեղական գինին ու շրջեք տարածքում։Այցելեք Նորավանքի վանական համալիր, որը Հայաստանի ամենակարևոր վանահամալիրներից է՝ շնորհիվ իր բացառիկ ճարտարապետության և դիրքի։

Ցերեկը

Վայելեք ճաշը տեղի ռեստորանում կամ հյուրատանը։ Ուղևորվեք Եղեգնաձոր՝ այցելելու Եղեգնաձորի երկրագիտական թանգարան։

Երեկոյան

Եղեգնաձորի հյուրատանը կամ հյուրանոցում մի փոքր հանգստանալուց հետո կարող եք զբոսնել քաղաքում կամ այցելել մոտակա սրճարանը մինչև արևի մայր մտնելը։

Մայրամուտին և գիշերը

Կարող եք ընթրել և գիշերել եղեգնաձորյան հյուրանոցում կամ հյուրատանը։

Օր 2․ Ուշ առավոտյան

Ուղևորվեք Եղեգնաձորից դեպի Եղեգիս գյուղ՝ այցելելու միջնադարյան հրեական գերեզմանոց և հայկական Զորաց եկեղեցի, որը միակն է Հայաստանում, որն ունի «բացօթյա մատուռ»։ Եկեղեցուարևմտյան պատը միայն սյուներից է կառուցված, այն չունի գմբեթավոր առաստաղ, ինչը զարմանալի ճարտարապետական լուծում է հայկական եկեղեցու համար։ Առաստաղով ծածկված է միայն արևելյան կողմը՝ խորանը և երկու հարակից աղոթարանները։

Ցերեկը

Ուղևորվեք Ջերմուկ քաղաք և ճաշեք տեղի ռեստորանում։ Այցելեք Ջերմուկի հանքային ջրերի ըմպելասրահ, հայդուկների արձաններով մոտակա այգի, Ջերմուկի ջրվեժ և պատկերասրահ։

Երեկոյան

Վերադարձեք Արենի՝ ընթրելու և համտեսելու տեղական գինի։